Pages in this section

You are here

Storytellin Network

The Scottish Storytelling Centre and Network supports professional an community storytellers aw ower Scotland. We wirk wi pertner organisations tae pit oan a muckle braid year-roond programme o inclusive storytellin acteevities tae fowk o aw ages an backgrunds. The Centre alsae coordinates an gies a haund tae projects an foregetherins in education, health, social care, faith communities, arts an heritage, an business settins richt across the country.

The wirk o the Scottish Storytelling Centre and Network at aw times huz the fowk at its hert, and aw ootreach foregetherins an projects are tailored tae the needs, abeelities an interests o the fowk takkin pairt.

Oor wirk uphauds the conteeibution o bairns an young fowk, o auder community maimbers an o fowk whaes disabilities suidnae haud thaim back frae finndin thir wey in tae storytellin experiences; an celebrates the stories an experiences o thaim wi diverse cultural backgrunds.

The Scottish Storytelling Centre and Network is a pertnership atween twae cherities - the Scottish Storytelling Forum an the Kirk o Scotland. We are grant-aided bae Creative Scotland an the City of Edinburgh Council. Howivver, oor wirk depends oan cheritable giein an the support o oor maimbers. Please gie a thowt tae makking a donation tae the Scottish Storytelling Forum, or lea a legacy tae alloo the Network an Centre's wirk tae growe.

Jine uz/Donate (Page in Inglish)