Pages in this section

You are here

Welcome tae the hame o Scotland's stories

A hotterin arts hame, a braw meeting plus an a yin-o-kin venue steeped in Scottish culture.

The Scottish Storytelling Centre is a hotterin arts hame wi a seasonal programme of live storytellin, theatre, music, exhibitions, wirkshops, faimlie foregetherins, an festivals. We are the hame o twae festivals: TradFest, a tradeetional arts festival that taks pliss in the spring, an the Scottish International Storytelling Festival in the October. We’re alsae a host venue for the Edinburgh Festival Fringe and ither excitin cultural programmes aw the year roond. We’re a braw meetin pliss whar ye can tak in Scotland’s weel-gethert story heritage. In the Storytelling Coort ye'll finnd an interacteeve Storywaw that bairns (an aulder yins!) enjoay boglin aboot in. See if ye can finnd Greyfriars Bobby; cleek the puddock; meet Nessie, the Gruffalo an Wee Wullie Winkie; an unhap tradeetional Scottish tales. Tuckit roond the corner ye can listen tae wee bitties frae Embra’s maist weel-kent storyteller, Robert Louis Stevenson, an we aye huv a free exhibition hingin oan oor waw. Swap yer ain stories in the Café ower some mooth-witterin hame bakin an braw coffee. Huv a wee deek in oor bookshop in the medieval luckenbooths o John Knox House an see if ye can finnd oor dragon’s nest an time-kist hidit among the books. Snecked tae the Scottish Storytelling Centre is John Knox House, makkin a yin-o-a-kin venue that rowes in modren design wi medieval architecture. Bogle through this museum tae lairn aboot yin o the maist trauchlin times in Scottish History. The Scottish Storytelling Centre is alsae the Heidquarters o the Scottish Storytelling Network which offers its maimbers thir ain wey in tae development foregetherins; discoonts oan oor wirkshops an Courses; an a helpin haund an advice on professional weys o gittin oan.

Whit's Oan

Veesit oor Centre Events page to deek at oor foregetherins an sneck yer tickets. (Page in Inglish).

Centre Events

Jine Oor Mailin List

Sign up tae oor mailin list sae that ye're the first tae ken aboot whit's gaun oan in the Scottish Storytelling Centre. (Newsletters are in Inglish)

Sign Up

Sneck a Storyteller

We huv ower yin hunder professional storytellers in oor Directory. Ye can deek fur a storyteller accoardin tae the airt they bide in an/or thir age-group specialty. If ye want tae ken mair aboot oor Directory an oor storytellers please git in touch.(Inglish only).

Deek through oor Directory   Git in touch